event
आमचे उपक्रम आणि कार्यक्रम
संस्थेच्या माध्यमातून आयोजित केलेले विविध सामाजिक व सांस्कृतिक उपक्रम.
आगामी कार्यक्रम
सध्या कोणतेही आगामी कार्यक्रम नाहीत.
मागील कार्यक्रम
एमएससी ग्रुपची पावसाळी सहल (मनमाड सोशल ॲण्ड कल्चरल ग्रुप)
सहलीचे नियोजन: ही सहल जुलै महिन्यात आयोजित करण्याचे नियोजन आहे. लोकांची संख्या निश्चित करण्यासाठी सदस्यांना पोस्टरवर 'थम्स अप' (Thumbs Up) देऊन आपली संमती नोंदवण्याचे आवाहन केले आहे.प्रमुख आकर्षणे (पर्यटन स्थळे): घोटीपासून अवघ्या ५ ते ७ कि.मी. अंतरावर असलेल्या खालील ठिकाणांची ही एक राऊंड ट्रीप असेल:कावनाई: एक धार्मिक ठिकाण, जेथे सिंहस्थाची सुरुवात होते आणि संत गजानन महाराजांची तपस्या भूमी आहे.वैतरणा धरण: एक निसर्गरम्य धरणाचा परिसर.पहिणे: धबधब्यांचे नयनरम्य आणि मनमोहक ठिकाण.त्र्यंबकेश्वर: येथे स्वामी समर्थ मंदिर आणि मुख्य ज्योतिर्लिंग मंदिराला भेट दिली जाईल.प्रवास खर्च: या सहलीचा अंदाजे खर्च प्रति व्यक्ती रु. ३५० ते ४०० इतका असेल, जो कॉन्ट्रिब्युशन (वर्गणी) करून गोळा केला जाईल.वाहन व्यवस्था: प्रवासासाठी टेम्पो ट्रॅव्हलर (Tempo Traveller) या आरामदायी वाहनाची सोय केली जाईल.
वनभोजन व सांस्कृतिक कार्यक्रमाचे नियोजन - रामसृष्टी गार्डन
नमस्कार, मनमाड सोशल अण्ड कल्चरल क्लबची स्थापना झाल्यानंतर आपण कार्यकारिणी तसेच विविध समित्यांची स्थापना केली. त्यानंतर ट्रस्टच्या नोंदणी व इतर कामांना सुरुवात करण्यात आली. या काळात अनेक सदस्यांनी उदारपणे देणग्याही जाहीर केल्या. आपल्या ग्रुपच्या माध्यमातून सर्वांचा परिचय झाला असला, तरी अनेकांची प्रत्यक्ष भेट होणे अद्याप बाकी आहे. याच उद्देशाने, आपण सर्वांनी एकत्र यावे, संवाद साधावा, एकमेकांचा परिचय करून घ्यावा आणि स्नेह अधिक दृढ व्हावा, ही भावना मनात ठेवून वर्षभराच्या नियोजित उपक्रमांतर्गत वनभोजन कार्यक्रमाचे आयोजन करण्यात आले आहे. रविवार, ३१ मे २०२६ रोजी तपोवन येथील रमणीय ‘रामसृष्टी गार्डन’ येथे आपण सर्वजण एकत्र येणार आहोत. सकाळी १० ते दुपारी ३ या वेळेत निसर्गाच्या सानिध्यात आनंदी क्षण अनुभवण्याची ही एक सुंदर संधी असेल. मे महिन्याचा शेवट आणि पावसाळ्याच्या आगमनाची चाहूल लक्षात घेऊन ही तारीख निश्चित करण्यात आली आहे. हिरवाईने नटलेले हे ठिकाण धार्मिक आणि ऐतिहासिक महत्त्वानेही समृद्ध आहे. लक्ष्मणाने शूर्पणखेचे नाक कापले ते स्थळ, प्रभू श्रीरामांची कुटी, सीता मातेचे अपहणर केलेले ठिकाण. तसेच गोदावरी व कपीला नदीचा संगम येथे पाहायला मिळतो. काही महिन्यांपूर्वी उभारलेली ६३ फूट उंचीची भव्य श्रीराम मूर्ती हे येथील विशेष आकर्षण आहे. निसर्ग, अध्यात्म आणि इतिहास यांचा सुंदर संगम असलेल्या या ठिकाणाहून आपल्या स्नेहमेळाव्याची सुरुवात होत आहे. आपण सर्वांनी सहकुटुंब उपस्थित राहावे व आपापले डबे सोबत आणावेत, ही नम्र विनंती. स्थळ : रामसृष्टी गार्डन, तपोवन, नाशिक दिनांक : रविवार, ३१ मे २०२६ वेळ : सकाळी १० ते दुपारी ३ वाजेपर्यंत